Tuesday, June 22, 2010

行李

都算你好彩,唔駛焗住滯留深圳到星期一,否則連飛機都上唔到。
我出發前就無咁多嘢要煩,至少唔係返工到最後一日先上機。
最令我頭痕係要帶什麼去德國,因為「深信」那邊的物價較高。
於是乎調味料呀,文具呀,衣服鞋襪呀...總之帶得到嘅都塞晒入喼。
不過要令行李超磅又實在話咁易,到最後唯有又翻箱倒篋,重新逐件SCAN吓,睇睇究竟有什麼可以唔帶。
終於調味料,沐浴露,書本只好放棄。而冬天衣物改以平郵方式寄去德國,反正距離冬天還有一大段時間。
最後手提電腦,相機等等當然要hand-carry。而hand-carry永遠是buffer,可以將最重嘅孭晒上身。
剛好二十公斤的寄艙行李,載埋無重量的遊學夢想,一齊出發啦!

Tuesday, June 15, 2010

一碰

唔係個個人都要清稅咩?

點都好啦,當以為一切就緒,點知就出發前一星期攪到差D出飛唔倒.

訂好星期三飛日本,之前的星期五就去大陸客戶那邊開最後一個會,開過三個鐘頭,正要離開之際 -- oh my god!! 銀包唔响身上!! 揾了又揾,肯定跌左.重組案情後,應該係因為來的時候太趕,下車付錢時掉了在的士.

當時的客戶後好,先幫我聯絡的士電召台,確定的士司機沒有拾到 (那當然!)然後有一同事說高層有後門,但人剛好在外用膳.幾經轉折,終於下午四時多在警局辨手續.結果是,因星期五下午,己過辨公時間,最快要等星期一.那豈不是要留落深圳最少三天?! 咁咪豈不是隨時飛唔倒?!

當時已騰折了四個多小時,結果那後門是要等三天,別無他法,只好再次打電話回港.同事說有一個遺失証件中心在羅湖口岸.抱着一試的心情去.

太好了,雖然因已過下午六點而無法即時處理,不過,明早就可辨好.而其實若事發後即時到,是可以即日回港的......

總比留落深圳3天好,只好享受突如其來的假期,取消已約好的farewell.回到香港後還要趕在兩天內保辨所有証件.

Monday, June 7, 2010

一步

我的情況又比你簡單一點。
首先沒有說服親朋的問題。家人一向都不會太過問,總之搞得掂自己就可以了。加上父母一早離世,更沒有長輩的壓力。
講開又講。向父母交代相信是要實行整個大計劃的最大難關。如何向父母說明未來一年的去向,錢銀前途怎樣安排,要令他們安心,都有一定難度。
而朋方面只須說一聲便可以。當然會有很多「為什麼?」。不過他們都沒有能力去阻止你(除非是你的另一半啦)。不過這一點我相信比向家人交待容易。
另外出發前都有預備一筆錢在打算做離開時的家用。不過最後家姐都沒有收下。真的是大感激呀!
工作反而對我來說是需要更多心思去說服自己的一環。因為那份工作我十分喜歡。不論工作性質,同事關係,公司環境都超適合自己。
到最後說服自己的離開公司的理由竟然是很老土的:「天下無不散之筵席,是時候來個轉變,走出第一步」。
就是這「一步」,為自己在走到人生中段的時候來個小轉變。現在看來,都不錯呀!
吓!原來離港前要去稅局清稅?真的不知道。你那間果然係大公司,所有手續都做到足。

Wednesday, June 2, 2010

脫鈎

實際上,辭職並不複雜,我連A4紙都冇用過.過程比情侶用SMS分手更冇誠意:
  • 2月中:通知公司我有一個讀書決定,等緊回覆
  • 2月尾:收到學聯通知,上網揾一封辭職信,copy-n-paste咁email俾老闆.
問題响考慮過程,以及緊接而來的實際問題:在一個月內跟當時的生活脫鈎.

說服親朋

其實你都講得啱,對自己,可以阿Q D,又可以率性D.但係家人、另一半、朋友總會問:「點解?」總要佢地支持嘛.响呢個時候,就可以按需要交出令大家稍為安心的理性解釋.如:「體驗生活」等.

責任

主要是家庭責任.如何安排家用,如何照顧當時卧病在床的父親(1),所有都要跟家人先商量.當然,也因為現代科技,Skype電話、網上銀行等,令一部份責任可以在海外進行

Farewell

有些朋友,平常也只是一年見一兩次.但就會因為離開一年而碰一次面.當然,盛情難卻,特別是作為暫別儀式.只是沒料到後來發生那件事令時間更緊逼.

工作

聽過有同學是闊佬懶理,反正不喜歡當時工作,出發前一兩個星期才遲職.自己當年則為了他朝好相見,總之,盡量document,最後一天還要OT到7時多才走.雖然,恨不得早日同工作say Good bye.

機票、日用品

基本上,機票就幾錢都要俾.重點反而係日用品.話晒要住一年.總唔可以咩都買.好彩當時朋友幫手將行李配額提高,又揾倒人轉天氣前帶補給物資.特別要提電腦真係好緊要.



原來出境前要攪掂.欠幾多退幾多,當正你唔會返香港咁去稅局攪.


就因為突然要脫離正常生活,先發覺同周遭有咁多聯繫.我仲記得,上機前都仲忙到一頭煙.不過難得可以take a break.

(1)因此曾將計劃延遲,所以勸大家有計劃就早點實行.