美食巡禮

雖然講唔上香港咁多元化，不過日本美食比起你所描述的德國美食可謂贏一大截．

其實真正日式料理唔多，好多食物都源自外國．就好似咖哩．經改良再改良，成為較甜的日式咖哩．直到2010年仍然係國民至愛的頭三位美食．正因如此，飯堂亦每個月都會有一兩次咖哩食．
至於午飯，起初因為冇雪櫃，若要自携午餐就只有花生醬三文治．仲記得有發育期的同學問：「你咁少就夠?」咁就問下佢地去邊食?原來都唔係咁貴，290円一個便當(當時約24蚊港幣)，比起最平的吉野家平一成多．不過，要避開人潮就要一早去買，記得有同學試過小息去買而遲到．

去到日本，食物選擇唔係問題．比如有無限量甜品選擇

又有西方八面名物(即名產)，如名古屋名物之一的きしめん不過，同你一樣，個個香港同學一開始就鬥慳，慳得一蚊得一蚊．不好不容易揾倒一間100円店，每個月10號會買十送一，我地就約埋同學，點都要賺佢個十送一．畢竟打過工知揾錢辛苦．同班的20歲左右的同學當然唔會同我地癲，要買就同屋企人擺錢．

開飯啦!

點解咁多JA！，原因莫不過是價錢平啦。這個JA！牌在很多連鎖超市都有得賣。有啲似惠康黃金嘜，真係什麼貨品都有。簡直打救了荷包唔少。
至於每次到超市，基本動作都是睇吓有無平嘢執。在香港購物會考慮品質，但人在異鄉時只顧及價錢。
有日行行吓街，竟然碰到一歐元店。由內衣褲至餅乾零食，件件都係一歐元。簡直係開心大發現。

至於每日三餐可以點樣？這便是我最typical的餐單：
早餐：通常係多士或者牛奶加穀物。
午餐：又係多士，不過豪啲會加芝士及蕃茄。再咬多個蘋果。
晚餐：差不多都係意粉。煮好粉後加入蕃茄，紅蘿蔔，腸仔，炸洋蔥粒。調味只加少許鹽，沒有醬汁。不過比想像中好吃。

另外如果出街唔可以係屋企煮的話，通常都帶定乾糧（慳錢呀）。又或者係街邊買啲小食頂肚。
可惜德國人對食的要求真係麻麻。去到邊度都不外乎嗰幾款，例如：
德國大肉腸加個包，大概個幾歐元。

仲有中式炒麵（睇個樣就知有幾好食），都係賣個幾歐元。

相對香港嘅斬大舊叉燒，樣樣都大大碟又肥膩嘅飲食文化，係德國食嘅真係清淡得可以。

週日料理

見你買親都係「ja!」牌，有冇特別原因?

其實當初揀呢間宿舍，除左價錢，就係因為佢有供兩餐．平日响香港除左午餐肉之外就唔係好識煮，要我日日煮，諗起都頭暈．

宿舍膳食唔錯，每個月餐單都會預先公報．偶然仲有應節食品，如櫻花季節時湯會加入櫻花狀粉團，夏天的生菓會有西瓜等．

而早餐有和洋兩式可以揀，洋式(即西式)，就係咁．
不過，你住果度有雪櫃真係好幸福．

我地星期日要自己攪掂．而更重要係，宿舍沒有共用雪櫃！即係話，在沒有買到雪櫃前就別想積存食物．記得有一次，唔想次次出街食咁大洗，整在個微波叮 飯，放D好似魚糧o既ふりかけ(混合了魚肉粉、紫菜、芝麻等材料，如下圖)，但又想食肉，於是加埋「媽媽腸」，味道嘛...始終係自己煮，點都食得落．
又試過去買生菓，一買幾個，起初唔知洗完就要盡快食，結果，放兩日發個柑發霉．攪到果陣一有時間就去睇下有冇雪櫃賣．

歐洲生活

你就好啦！日日有人煮埋飯比你食。我就無咁好彩啦。一日三餐都係靠食自己。
起初以為在歐洲生活會非常昂貴。當然有很多東西都比香港貴好多，如搭車，出街食飯等。不過原來在超市買菜自己煮的話又無想像中咁恐佈。
甚至發現有很多東西都比香港便宜。就好似：
白麵包一大條：約十港元

香腸一大樽：約三十港元

牛奶：約十港元

早餐穀物一公斤：約十港元

另外薯仔紅蘿蔔等西人主要蔬菜更加平過香港兩三成呢！
講返間屋，包租婆是個五十左右的獨身女人，自營一間Event Agency，Home Office的關係，一日二十四小時都係屋企。
對她仍認識不深，只覺得她總有點怪怪的。
例如：雪櫃永遠堆滿食物，有些變壞了仍然不會清理。打開雪櫃時永遠有股怪味。
表面開朗隨和，實質帶點孤僻。一個星期出外的時間不超過三小時。每天只對著電視機過活。
唯一的好處是有時煮湯時會醒一碟給我。

宿舍真可愛

想起來，當日在台北轉機也有點忐忑不安．正如之前說，要離開習慣了的上班族生活．不過，相信我住的宿舍較易適應．

首先，宿舍位於住宅區，外邊的都是不過10層的建築物．天際邊寬了讓心也寬了．
另外，星期一至六都有供餐，每日有不同款式．不論好不好吃，至少要擔心的少了一樣．得知道，房內是沒有家電的，暫時沒條件每天煮飯．
雖然沒有獨立洗手間，不過，有一個大浴池，也許因為浸浴是日本文化的重要部份．記得第一個禮拜每一天吃過晚飯都要去浸一浸．彷如去了温泉旅館．

當然，在這年頭等同生命線的上網服務，也就在第一天就攪定．很難想像十多年前的留學生，沒有網絡是如何的去渡過自己一個的時間．

不過，有利也有弊，已十多年沒給人管，但住在宿舍就會有規律，如午夜前要如到宿舍等．一切都要重新適應．

到達

上機的日子，正是下著滂沱大雨。從機艙外望，雨水把一切都洗擦乾淨。有點象徵意義，好似一切又作從頭來過。
不過從那一刻開始，夢想與現實的距離，消失了。
飛機要飛十二個小時先到慕尼黑，之後再轉機到柏林。


那一刻坐在轉機候機室，心裡忐忑難耐，不過又帶一點期盼。
有太多的未知在前，令我很難放下懷抱去盡情的享受這個悠長假期。
保持正能量，是那一刻我唯一可做到的事情。
哈哈哈！只要保持這樣，相信已經成功了一半。


再轉乘往柏林的航機，一個小時後便到達目的地。
拖著重重的行李，步出機場，沒有人迎接呀！（你就好啦）唯有找巴士坐。
包租婆是學校幫我找的，事先沒見過面，只寫過幾封電郵。
我只佔住她屋內的一個房間。不算太大，有點舊，還塞滿她的雜物。
不過總算安定下來，一切都比想像的容易。
包租婆英語流利，否則以我有限的德語，一定雞同鴨講。
時差關係，加上在機上無覺好瞓。於是第一天的活動便是大覺瞓。

陌生國度

行李真係一個大問題。一年時間,總唔可以全部買過。同學們就好有計劃，有屋企人一齊嘅就可帶四五十公斤行李,唔係就約朋友到訪兼帶行李。

不過,最大件事都莫過於生活上轉變。

記得當日,在台北轉機時,才真正脫離平日生活,真正的感到自己在途上。

步出名古屋機場,宿舍安排的接送高舉我的名字。司機當然是日本人。用我僅有的日語嘗試搭訕,希望盡快溶入當地生活,卻發現,我的日文根本不足夠表達簡單如屋企有幾多人。

宿舍的管理人是一對年長夫婦,他們二話不說就找來了一個台灣宿生來擔當翻譯。辦過手續，終於來到我的房間,房間內只有基本家具,和我的行李喼。騰捷了八個多小時,終於從香港來到這小房間。看著窗外陌生的環境，似是忽然發覺，從那天起,整整一年將會在一個沒有人知道你是誰,一個言語可能不通的地方生活。