行李

都算你好彩，唔駛焗住滯留深圳到星期一，否則連飛機都上唔到。
我出發前就無咁多嘢要煩，至少唔係返工到最後一日先上機。
最令我頭痕係要帶什麼去德國，因為「深信」那邊的物價較高。
於是乎調味料呀，文具呀，衣服鞋襪呀．．．總之帶得到嘅都塞晒入喼。
不過要令行李超磅又實在話咁易，到最後唯有又翻箱倒篋，重新逐件SCAN吓，睇睇究竟有什麼可以唔帶。
終於調味料，沐浴露，書本只好放棄。而冬天衣物改以平郵方式寄去德國，反正距離冬天還有一大段時間。
最後手提電腦，相機等等當然要hand-carry。而hand-carry永遠是buffer，可以將最重嘅孭晒上身。
剛好二十公斤的寄艙行李，載埋無重量的遊學夢想，一齊出發啦！