開學式

似乎柏林美食唔俾名古屋差，就算「求其」o既芝士公仔麵都好似好好食．十歐元自助餐，响日本十歐元食自助餐真係唔易．

要講美食都開始要慢慢揾，畢竟去讀書，總唔會似去旅行咁，日日食餐勁．

講到讀書，最緊要係要似學生．特別係久別學生生涯的30開外學生．呢樣日本就好滿足倒我喇．雖則學校只係好係香港o既補習社，但都有一個認真的開學禮，當地學生仲全部都套裝出席．上台致詞的各學科代表亦落足十二分力鼓勵大家相信前路美滿．

我就當然冇帶西裝，只好裇衫西褲了事．
另一樣跟學生生涯有關的是櫻花．當日到步後，在宿舍旁就可看到滿開的櫻花，只是覺得它很美，覺得自己終於身在日本．及後從朋友口中知道它提醒著大家生活的步伐．