今天我一早起來上學去

在柏林唔會有咁盛大隆重的開學禮。基本上我間學校好casual，隨時都有同學加入或者離開。佢地都可以講得上係來自五湖四海。就好似第一日上堂的同學就分別有來自也門，芬蘭，意大利，羅馬尼亞，韓國等。大部分人來德國學德文都係打算升學。比較少似我咁樣只係來遊學。而年紀亦正因為咁所以都會同大家有一段距離。不過好在西方人普遍都睇唔出亞洲人的年齡。總而之最緊要都係人老心不老啦！

就係咁每日早上九點半至十二點半我又重踏全職學生的生活。特別之處係我的學校基本上距離住所只係一座大廈之隔。完全無呃你，真係一座之隔。由住所門口走到學校門口，都只是二十米內的腳程。真係一生人都未試過咁方便。交通費同時間都可以話係全免。不過針邊有兩頭利呀。住得咁近的唔好處就係生活圈子太小。來來去去都係學校附近幾條街出入。都真係幾悶㗎。所以在開學兩個星期後，我決定令自己可以走得更遠一點：買了架二手單車。