開飯啦!

點解咁多JA！，原因莫不過是價錢平啦。這個JA！牌在很多連鎖超市都有得賣。有啲似惠康黃金嘜，真係什麼貨品都有。簡直打救了荷包唔少。
至於每次到超市，基本動作都是睇吓有無平嘢執。在香港購物會考慮品質，但人在異鄉時只顧及價錢。
有日行行吓街，竟然碰到一歐元店。由內衣褲至餅乾零食，件件都係一歐元。簡直係開心大發現。

至於每日三餐可以點樣？這便是我最typical的餐單：
早餐：通常係多士或者牛奶加穀物。
午餐：又係多士，不過豪啲會加芝士及蕃茄。再咬多個蘋果。
晚餐：差不多都係意粉。煮好粉後加入蕃茄，紅蘿蔔，腸仔，炸洋蔥粒。調味只加少許鹽，沒有醬汁。不過比想像中好吃。

另外如果出街唔可以係屋企煮的話，通常都帶定乾糧（慳錢呀）。又或者係街邊買啲小食頂肚。
可惜德國人對食的要求真係麻麻。去到邊度都不外乎嗰幾款，例如：
德國大肉腸加個包，大概個幾歐元。

仲有中式炒麵（睇個樣就知有幾好食），都係賣個幾歐元。

相對香港嘅斬大舊叉燒，樣樣都大大碟又肥膩嘅飲食文化，係德國食嘅真係清淡得可以。